خنجاني: په ملګرو ملتونو کې د افغانستان څوکۍ به هیڅکله طالبانو ته ورنه کړل شي

1 Min Read

د افغانستان د ملي مقاومت جبهې د سیاسي دفتر مشر او ویاند، عبدالله خنجاني وايي، د ډېری هېوادونو وروستۍ پرېکړه دا ده چې د افغانستان څوکۍ به په ملګرو ملتونو کې هيڅکله طالبانو ته ورنه کړل شي.

خنجاني د سې‌شنبې په ورځ پر خپله اېکس‌پاڼه لیکلي چې د ملګرو ملتونو د امنیت شورا له یو شمېر غړو سره یې د افغانستان وضعیت ارزولی دی.

د نوموړي په باور، نړیواله ټولنه به طالبان هيڅکله د افغانستان د استازو په توګه په رسمیت ونه پېژني.

خنجاني زیاته کړې چې دا ډاډ د یوه آزاد افغانستان او د طالبانو پر وړاندې د ډیموکراتیک اپوزیسیون لپاره لویه هیله ده.

د یادونې وړ ده چې اوسمهال په ملګرو ملتونو کې د افغانستان استازیتوب نصیر احمد فایق کوي.

طالبانو په تېرو پنځو کلونو کې هڅې کړې چې په ملګرو ملتونو کې د افغانستان څوکۍ ترلاسه کړي، خو تر اوسه نه دي بریالي شوي.

طالبانو سهېل شاهین د ملګرو ملتونو څوکۍ لپاره نومولی دی او په ځلونو یې هڅه کړې چې دغه څوکۍ ترلاسه کړي.

خپلواکه ژورنالېزم ژوندی وساتئ

ستاسو ملاتړ موږ سره مرسته کوي چې دقیق او بې‌طرفه راپورونه وړاندې کړو او د هغو کسانو غږ پورته کړو چې ډېری وخت له پامه غورځول کېږي.

دا مقاله شریکه کړئ
څرگندونې نشته

ځواب دلته پرېږدئ