د افغانستان د مخکېني ولسمشر مرستیال، امرالله صالح هندوکش ته د صالح محمد ریګستاني د بېرته ستنېدو په غبرګون کې هغه د زړورتیا او سرښندنې سمبول بللی دی.
صالح په خپله فېسبوک پاڼه کې لیکلي: “ریګستاني له دې وړاندې هم د جهادي او مقاومت د مخینې لرونکي شخصیت په توګه پېژندل کېده، خو هندوکش ته یې بیا حضور او له وسلهوالې مبارزې سره یوځای کېدل ښيي چې هغه د دې لارې د دوام هوډ لري.”
صالح وویل چې د هرې مبارزې بنسټ اراده ده او ریګستاني د بېرته مبارزې ډګر ته په راتګ سره اوږده لار وهلې ده.
دا څرګندونې وروسته له هغې کېږي چې د صالح محمد ریګستاني یوه ویډیو خپره شوې چې په کې نوموړي هندوکش ته د خپل بېرته ستنېدو او د افغانستان د ملي مقاومت جبهې د فعالیتونو د دوام خبر ورکړی دی.
ریګستاني په دې ویډیو کې وسلهواله مبارزه د طالبانو پر وړاندې د مبارزې له لارو څخه یوه بللې ده.
هغه په ویډیو کې پوځي جامې هم اغوستې دي.
خپلواکه ژورنالېزم ژوندی وساتئ
ستاسو ملاتړ موږ سره مرسته کوي چې دقیق او بېطرفه راپورونه وړاندې کړو او د هغو کسانو غږ پورته کړو چې ډېری وخت له پامه غورځول کېږي.
