د افغانستان مشهوې سندغاړې، ښاپیرۍ نغمې له طالبانو وغوښتل چې د نجونو ښوونځي پرانېزي.
نغمې په امریکا کې د دې هېواد کانګرس ته د بریالۍ شوې افغاني الاصلې امریکایۍ، عایشې وهاب د ملاتړ په غونډه کې له مېرمن وهاب هم غوښتنه وکړه چې د امریکا پر هر دریځ دې د افغان ښځو او نجونو د حقونو غږ پورته کړي.
سندرغاړې ښاپېرۍ نغمې عایشه وهاب د افغان ښځو د کلک هوډ او وړتیا بېلګه وبلله او په وینا یې د مېرمن وهاب مثال باید طالبان وهڅوي او د افغان نجونو پرمخ ښوونځي پرانېزي.
نغمې زیاته کړه: “د عایشه وهاب د بریا مثال باید د افغانستان واکمنان و هڅوي چې زموږ افغان نجونو ته ښوونځیو ته د تګ اجازه ورکړي، تر څو د ټولنې په هره برخه کې وځلېږي.”
هغې د خپلو خبرو پرمهال د افغانانو ترمنځ پر یووالي او ورورولي ټینګار وکړ او ویې ویل چې افغانان باید له تفرقه اچوونکو څرګندونو ډډه وکړي.
خپلواکه ژورنالېزم ژوندی وساتئ
ستاسو ملاتړ موږ سره مرسته کوي چې دقیق او بېطرفه راپورونه وړاندې کړو او د هغو کسانو غږ پورته کړو چې ډېری وخت له پامه غورځول کېږي.
