د طالبانو ویاند، ذبیحالله مجاهد په کابل کې د یوې خبري غونډې پر مهال د شپږم ټولګي څخه پورته د نجونو د ښوونځیو د بیا پرانیستلو په اړه د یوې پوښتنې په ځواب کې وویل چې اوس د دې موضوع د بحث وخت نه دی.
مجاهد له شپږم ټولګي پورته زدهکړو څخه د نجونو محرومیت یوه سکتګي وبلله.
هغه په ټول افغانستان کې د زدهکوونکو، محصلینو او مدرسو د زده کوونکو شمېر له ۱۰.۳ میلیونو څخه ډېر اعلان کړ.
دا په داسې حال کې ده چې یونیسف ویلي، په افغانستان کې له ۲.۴ میلیونو څخه ډېرې نجونې له شپږم ټولګي پورته زدهکړو څخه محرومې شوې دي.
په افغانستان کې له شپږم ټولګي پورته د نجونو رسمي ثانوي ښوونځي له شاوخوا پنځو کلونو راهیسې تړلي دي، خو د افغانستان ډیجیټل ښوونځي په څېر آنلاین پروګرامونه او ځینې پټ کورني ټولګي د زدهکړو لپاره بدیلې لارې برابروي.
د راپورونو له مخې، دا بندیز د زرګونو نجونو راتلونکي او علمي پرمختګونه له جدي ننګونو سره مخ کړي دي.
خپلواکه ژورنالېزم ژوندی وساتئ
ستاسو ملاتړ موږ سره مرسته کوي چې دقیق او بېطرفه راپورونه وړاندې کړو او د هغو کسانو غږ پورته کړو چې ډېری وخت له پامه غورځول کېږي.
