د افغانستان د ازادۍ جبهې د سیاسي کمېټې مشر، داوود ناجي د طالب ویاند، ذبیحالله مجاهد هغو څرګندونو ته غبرګون وښود چې ویلي یې وو، د طالبانو ځانمرګي بریدګر د دې ډلې د واکمنۍ د دفاع لپاره چمتو دي.
ناجي د دوشنبې په ورځ د طالبانو د ویاند په ځواب کې وویل: “ستاسو د ځانمرګو بریدګرو سابقه روښانه ده؛ هغوی د عادي خلکو، زدهکوونکو، ډاکټرانو، نرسانو او د زېږون پر مهال د ښځو او میندو د سرخوږۍ لامل وو، نه دا چې د افغانستان د پوځ پر وړاندې د مخامخ جګړې سړي وو. نن هم همداسې ده.”
ناجي په اېکس شبکه کې زیاته کړه: “د آزادۍ جبهې جنګیالي په ایمان او پوهې سره جنګېږي او ستاسو له ناپوهۍ او بزدلۍ خبر دي. دا ګز، دا دی میدان.”
د طالبانو ویاند ذبیحالله مجاهد د دوشنبې په ورځ له کندهاره په خپله وینا کې، په بدخشان کې وروستیو نښتو ته په اشارې وویل چې د طالبانو فدایان(ځانمرګي) د دې ډلې د رژیم د دفاع لپاره بشپړه چمتووالی لري.
مجاهد په بدخشان کې د نښتو په اړه راپورونه او د یفتل ولسوالۍ د سقوط ادعا رسنیزه تبلیغات وبلل او ویې ویل: “هېواد د فدایانو په سرښندنه او د ځانونو په قربانولو آزاد شوی او د هغه د ساتنې لپاره به دوه برابره ډېره قرباني ورکړو.”
طالبان خپلو ځانمرګو بریدګرو ته فدایان وايي.
خپلواکه ژورنالېزم ژوندی وساتئ
ستاسو ملاتړ موږ سره مرسته کوي چې دقیق او بېطرفه راپورونه وړاندې کړو او د هغو کسانو غږ پورته کړو چې ډېری وخت له پامه غورځول کېږي.
