د پاکستان د ولسمشر ویاند، مرتضی سولنګي ویلي چې دغه هېواد په تاریخي ډول د افغانستان د خلکو ترڅنګ ولاړ دی او اوس له افغانستان سره د سولهییزو او باثباته اړیکو غوښتونکی دی.
هغه د قطر، ترکیې او چین لخوا د اسلاماباد او طالبانو ترمنځ د منځګړیتوب هرکلی وکړ او ویې ویل چې پاکستان نه غواړي افغانستان د نړیوال ترهګرۍ په پناهځای بدل شي.
سولنګي ټینګار وکړ چې پاکستان هڅه کړې خپل دریځ بیا تعریف کړي او په یوه بېثباته سیمه کې د سولې د راوستلو لپاره یې هڅې کړې دي.
د اسلاماباد د ستراتېژیکو مطالعاتو انسټېټیوټ لیکلي چې سولنګي دغه څرګندونې د “پاکستان په بدلېدونکي جیوپولیټیک چاپېریال کې” تر سرلیک لاندې په یوې نړیوالې یو ورځنۍ غونډه کې کړې چې د دې ادارې او د فریدریش ایبرټ بنسټ د پاکستان دفتر په همکارۍ جوړه شوې وه.
پاکستان تل ادعا کوي چې په افغانستان کې د دغه هېواد مخالف وسلهوال شتون لري، خو طالبانو دا ادعاوې رد کړې دي.
خپلواکه ژورنالېزم ژوندی وساتئ
ستاسو ملاتړ موږ سره مرسته کوي چې دقیق او بېطرفه راپورونه وړاندې کړو او د هغو کسانو غږ پورته کړو چې ډېری وخت له پامه غورځول کېږي.
