د افغانستان لپاره د روسیې د ولسمشر ځانګړي استازي ویلي، د شانګهای همکارۍ سازمان د یوه غړي هېواد ښکاره مخالفت په یاد سازمان کې د طالبانو د ګډون پر وړاندې اصلي خنډ دی.
ضمیر کابلوف د کوم ځانګړي هېواد نوم نهدی اخیستی، خو ویل کېږي چې پاکستان اوسمهال په شانګهای سازمان کې د طالبانو د حضور تر ټولو مهم مخالف هېواد بلل کېږي.
که څه هم افغانستان له ۲۰۱۲م کال راهیسې د شانګهای همکارۍ سازمان د ناظر غړي په توګه منل شوی و، خو په ۲۰۲۱م کال کې د طالبانو تر بیا واکمنېدو وروسته د افغانستان ګډون او فعالیتونه په عملي ډول درېدلي دي.
وروستی ځل د افغانستان استازو په ۲۰۲۰م کال کې د دغه سازمان په غونډو کې رسمي ګډون کړی و.
ضمیر کابلوف ویلي: “د کابل چارواکي غواړي، چې په سازمان کې د بشپړ غړي په توګه حضور ولري او نور غړي هم ورسره یو ډول اړیکې او تعامل لري؛ خو دا چې په شانګهای سازمان کې پرېکړه د ټولو غړو په اجماع ترسره کېږي، نو د یوه غړي مخالفت د دغه بهیر د پیل مخه نیولې ده”.
د طالبانو په بیاځلي واکمنېدو سره په لومړیو کې پاکستان له طالبانو سره ښې اړیکې درلودې، خو د شاوخوا دوو کالو راهیسې د دواړو لوریو ترمنځ اړیکې ترینګلې ښکاري.
پاکستان په افغانستان واکمن طالبان تورنوي چې د دوی وسلهوالو مخالفینو ته یې پټنځایونه ورکړي او له هغه ځایه په پاکستان کې بریدونه کوي، خو طالبان یې ردوي.
خپلواکه ژورنالېزم ژوندی وساتئ
ستاسو ملاتړ موږ سره مرسته کوي چې دقیق او بېطرفه راپورونه وړاندې کړو او د هغو کسانو غږ پورته کړو چې ډېری وخت له پامه غورځول کېږي.
