د افغانستان د تېر جمهوري نظام د ولسمشر لومړی مرستیال، امرالله صالح وايي، پاکستان او طالبان دواړه د باور وړ نهدي.
هغه پر خپل ایکس لیکلي، د افغانستان اړوند روان کړکېچ او پېښو د سم درک لپاره باید د پاکستان او طالبانو ادعاوې په احتیاط وڅېړل شي، ځکه د دواړو لورو څرګندونې د باور وړ نه دي.
هغه وویل، هره هغه ادعا چې پاکستان یې کوي باید د درېیو خپلواکو سرچینو له لارې وڅېړل شي او له تایید وروسته هم باید پرې شک موجود وي.
صالح د طالبانو د څرګندونو په اړه هم ویلي: “کله چې طالبان کومه ادعا کوي، لومړی یې دروغ وګڼئ او بیا هڅه وکړئ معلومه کړئ چې ایا لږ تر لږه یوه برخه یې رښتیا ده که نه.”
د جمهوري نظام دغه پخوانی لوړپوړی چارواکی زیاتوي، چې د افغانستان په اړه د پېښو او تحولاتو د سم تحلیل او روښانه درک لپاره انتقادي او محتاط چلند اړین دی.
خپلواکه ژورنالېزم ژوندی وساتئ
ستاسو ملاتړ موږ سره مرسته کوي چې دقیق او بېطرفه راپورونه وړاندې کړو او د هغو کسانو غږ پورته کړو چې ډېری وخت له پامه غورځول کېږي.
