د افغانستان د پخواني جمهوري نظام پر مهال د ولسمشر مرستیال، عبدالرشید دوستم د بدخشان د یفتل ولسوالۍ تر سقوط څو ساعته وروسته په نږدې راتلونکې کې د څو شمالي ولایتونو د سقوط خبر ورکړ.
هغه په خپل فېسبوک پاڼه لیکلي :”انشاءالله د افغانستان د ملي اتل الحاج مارشال عبدالرشید دوستم د ځواکونو په لاس د افغانستان د څو شمالي ولایتونو چټک سقوط. مخکې تر مخکې د افغانستان خلکو ته د بریا او آزادۍ مبارکي وایو.”
اخوا د افغانستان د مخکېني ولسمشر د لومړي مرستیال، امرالله صالح په مشرۍ د زرغون بهیر د سپاهیان وطن د ځواکونو لخوا د بدخشان د یفتل ولسوالۍ سقوط له هرکلي سره مخ شوي دي
دغه بهبر په فېسبوک پاڼه د یوه بیان په خپرولو سره ویلي: “د افغانستان شین بهیر – رسا، د بدخشان ولایت د یفتل ولسوالۍ کې د وطن سپاهیانو زړور عملیات د زده له تله مبارکي وايي. د دې ولسوالۍ د هبتي غلو او لوټمارانو له شتون څخه پاکول، د ټول افغانستان د خاورې د آزادۍ لپاره یو الهامبخښونکی ګام دی. د طالبانو متعصب او د ملت ضد ډله به نسکوره شي، انشاءالله. د بریا د ستر او پرشوره سهار لپاره باید باور ولرو.”
خو طالبانو ادعا کړې چې د یفتل پر ولسوالۍ د بریدګرو مشر یې له ۱۵ کسانو سره نیولی او اوس ترې څېړنې روانې دي.
خپلواکه ژورنالېزم ژوندی وساتئ
ستاسو ملاتړ موږ سره مرسته کوي چې دقیق او بېطرفه راپورونه وړاندې کړو او د هغو کسانو غږ پورته کړو چې ډېری وخت له پامه غورځول کېږي.
