د افغانستان لپاره د روسیې د ولسمشر ځانګړي استازي، ضمیر کابلوف د افغانستان لپاره د یوناما ماموریت د غځېدو ملاتړ کړی او ویلي یې دي چې د دا ماموریت به د ځانګړو شرایطو سره وغځول شي.
کابلوف وویل، د یوناما جوړښت د فعالیت په اړه پوښتنې شته.
د افغانستان لپاره د روسیې د ولسمشر ځانګړي استازي وویل: “البته چې تمدید به شي؛ خو له ځانګړو شرایطو سره د دغه ماموریت د فعالیت په اړه پوښتنې شته. هیله لرو، چې ټول دغه موارد په پام کې ونیول شي.”
سره له دې د روسیې دغه استازي په افغانستان کې د بشري ناورین موضوع ته اشاره وکړه او ویې ویل چې نړۍواله ټولنه باید له خبرو او اعلامیو څخه عملي اقدام وکړي؛ هغه که د ملګرو ملتونو له لارې وي یا د دوه اړخیزو اړیکو له لارې.
د ملګرو ملتونو د امنیت شورا د ۱۴۰۴ کال د کب په وروستیو کې د یوه پرېکړهلیک په تصویب سره د یوناما ماموریت د ۱۴۰۵کال (د غبرګولي تر ۲۷مې) پورې وغځاوه.
دا ځل د یوناما ماموریت یوازې د درېیو میاشتو لپاره وغځېده، حال دا چې په تېرو کلونو کې دغه ماموریت په ټوله کې د یو کال لپاره غځېده.
خپلواکه ژورنالېزم ژوندی وساتئ
ستاسو ملاتړ موږ سره مرسته کوي چې دقیق او بېطرفه راپورونه وړاندې کړو او د هغو کسانو غږ پورته کړو چې ډېری وخت له پامه غورځول کېږي.
