د تېر جمهوري نظام د ولسي جرګې غړی، شاپور حسنزوی په یوه تازه مرکه کې د طالب وسلهوالو له سپکاوي ډک چلند څخه سر وټکاوه.
حسنزوی وویل، افغانستان ته په ورتګ پښېمانه او ناسم چلند ورسره شوی دی.
هغه وایي، طالبانو راته مخامخ وویل: “ته وکیل نه، بلکې یو خر یې.”
د حسنزوی په خبره، که څه هم امنیت شته، خو د ده په څېر کسانو لپاره دا حالت د ډاډ او منلو وړ نه دی.
نوموړی وايي، طالبانو ورته د بندېدو کولو ګواښ، پر کور یې برید او د کورنۍ غړي یې ډبولي دي.
هغه دغه راز ویلي، د طالبانو د کورنیو چارو وزارت په مرسته وسلهوالو یې دوه لوڼې تښتولي او خبرداری ورکوي که چېرې خوشې نهشي اعتراضونه به پیل کړي.
حسنزوی همداراز په کابل کې د طالبانو د امنیه قوماندانۍ څخه غوښتي چې دا موضوع په جدي توګه وڅېړي او د هغه د لوڼو د موندلو لپاره بېړني ګامونه پورته کړي.
تراوسه د طالبانو حکومت په دې اړه څه نه دي ویلي.
خپلواکه ژورنالېزم ژوندی وساتئ
ستاسو ملاتړ موږ سره مرسته کوي چې دقیق او بېطرفه راپورونه وړاندې کړو او د هغو کسانو غږ پورته کړو چې ډېری وخت له پامه غورځول کېږي.
