د ملګرو ملتونو سرمنشي انتونیو ګوترېش یو ځل بیا په افغانستان کې د ښځو او نجونو پر زدهکړو بندیز ته په اشارې سره وویل، چې هغوی په سیستماتیک ډول له عامه ژوند څخه اېستل شوې دي. ګوترېش خبرداری ورکړ، چې د جنسیتي برابرۍ په برخه کې شاتګ مخ په زیاتېدو دی.
د ملګرو ملتونو سرمنشي د سېشنبې په ورځ پر خپلې اېکسپاڼې د بشري حقونو د فعالې او د نوبل جایزې ګټونکې ملالې یوسفزۍ د انځور په خپرولو سره د هغې فعالیتونه وستایل.
انتونیو ګوترېش وویل، چې په ټوله نړۍ او په ځانګړې توګه په افغانستان کې د ښځو او نجونو د حقونو د دفاع په برخه کې د مېرمن یوسفزۍ د نه ستړي کېدونکو هڅو منندوی دی.
دا په داسې حال کې ده، چې پر افغانستان د طالبانو له بیا واکمنېدو راهیسې دغې ډلې تر اوسه په سیاسي، ټولنیزو او اقتصادي ډګرونو کې د ښځو او نجونو زدهکړې، کار او فعالیتونه منع او محدود کړي دي؛ هغه بندیزونه چې د بشري حقونو د سازمانونو په وینا د «جنسیتي اپارټایډ» ښکاره بېلګې دي.
سره له دې چې نړۍوالې ټولنې پر طالبانو د دغو بندیزونو د لغوه کولو لپاره فشارونه راوړي، خو دغه ډله تر اوسه له خپل دریځ څخه نه ده پر شا شوې.
خپلواکه ژورنالېزم ژوندی وساتئ
ستاسو ملاتړ موږ سره مرسته کوي چې دقیق او بېطرفه راپورونه وړاندې کړو او د هغو کسانو غږ پورته کړو چې ډېری وخت له پامه غورځول کېږي.
